LAOAG CITY – Maibilang a “welcome development” ni House Committee on Higher and Technical Education chairman Jude Acidre ti panangibabawi ni Pacifico “Curlee” Discaya iti immuna nairakurak na nga adda ti pakainagan na iti panaggatang ni dati nga House Speaker Martin Romualdez ti maysa nga high end property iti Makati City.
Iti panangadmitir na ket nakuna ni Discaya a maus-usar laeng daytoy tapno mairaman iti flood control controversy ni Romualdez.
Kuna na a kas pammaneknek ket maipagarop a naminsan na paylaeng a nakita ni dati nga Speaker iti maysa pay a public event ken awan pay ti aniaman a napagsaritaan da.
Inpalgak ni Acidre a pammaneknek laeng nga iti kada akusasyon ket addaan ti katukad nga ebidensya ken saan nga umdas a basta laeng mangakusar ken agiraman kadagiti opisyal ti gobierno.
Immunan nga inpetteng ni Romualdez a nadalos ti konsensya na ken awan ti aniaman a partisipasyon na iti
flood control controversy.
Innayon na nga awan pay ti pagibasaran ti rimuar a report ni Discaya nga adda ti pakainaigan iti panaggatang iti sanikua iti Makati.
