LAOAG CITY – Inbatad ni President Ferdinand R. Marcos Jr. a target ti gobierno ti makaestablisar ti agarop 300 pay a palay processing centers iti intero a pagilian ita a tawen tapno ad-adda pay a mapatalged ti national food security.
Inrakurak daytoy ni Presidente Marcos kabayatan ti panaginspeksyon na ti newly-constructed Rice Processing System (RPS) ken panagibunong ti agri-fishery interventions idiay Hamtic, Antique.
Ti nasao a palay processing center ket moderno a drying ken milling facilities, farm inputs, machinery, ken solar power.
Indiskribir ti presidente ti Rice Processing System a dakkel a makatulong tapno makapatanur ti nangatngato ti kalidad na a bagas ken dakkel a pakalag-anan dagiti mannalon.
Iti agdama, addan ti 152 a kapada a pasilidad ti naestablisar iti pagilian ngem kalikagom ti presidente a manayunan pay dagitoy.
