LAOAG CITY – Napatawan a maibalud iti tungpal-biag ti maysa a lalaki a suspek a nangpaltog a nangitunda ti pannakatay ni dati a Japanese Prime Minister Shinzo Abe.
Immunan a nangipila ti guilty plea ti suspek a ni Tetsuya Yamagami iti napalabas a tawen kalpasan ti panangpaltog ken ni Abe idi 2022 iti Nara City.
Inkalintegan ti abugado ti suspek a daytoy ket maipagarup a biktima ti “religious abuse.”
Mainaig iti daytoy, nagbalin a naiget a deboto ti ina ti suspek iti Unification Church no sadinno nga amin a sanikuada ket naipan iti simbaan.
Naammoan laengen ti suspek a ti simbaanda ket maipagarup nga ipatpataray ti dati a Prime Minister.
