LAOAG CITY – Balligi a naarestar ti maysa a lalaki a Wanted Person iti ili ti Badoc.
Ti suspek ket agtawen ti 34, awanan asawa, awanan trabaho ken residente ti Barangay Callaguip iti ili ti Paoay.
Naarestar ti suspek iti nasao a barangay babaen iti bileg ti
warrant of arrest nga inparuk-at ni Hon. Dinah Morales Acquing, Presiding Judge ti RTC Branch 6, Family Court, Batac City, Ilocos Norte a napetsaan idi Enero 23, 2026 gapu iti frustrated murder.
Nairekomendar iti suspek nga agbayad ti 200 a ribu a pisos a pagpiyansana para iti temporario a pannakawayawayana.
Ti suspek ket naikabil iti Rural Health Unit iti ili ti Currimao ken naiturong iti Badoc Municipal Police Station para iti umiso a dokumentasion ken disposion.
