LAOAG CITY – Umabot iti 870 a benepisario ti Milestone Awards ditoy ciudad ti Laoag ti nakaawat ti cash incentives, certificate ken food packs manipud ti gobierno lokal ditoy ciudad.
Daytoy ti inpakaammo ni Mrs. Perlita Cabello, ti mangidadaulo iti City Social Welfare and Development Office.
Segun kenkuana, ti Milestone Awards ket maysa kadagiti programa ti gobierno lokal ditoy ciudad kas tulong ken suporta kadagiti senior citizens kadagiti dadduma a pagkasapulan da.
Inlawlawag ni Cabello a kadagiti makadanon ti tawenna a 70, mangrugin a makaaawat ti benepisio ti tinawen.
70-79 – P1,000
80-84 – P2,000
85-89 – P3,000
90-94 – P5,000
95-99 – P10,000.
Kabayatanna, kuna ni Cabello a ti maipapaay a tulong pinansyal kadagiti senior citizens ket paset ti panagyaman pay ti gobierno lokal ditoy ciudad gapu iti nagbalin a kontribusyon da iti panag-progreso ti siudad.
