LAOAG CITY – Intandudo manen ni Senador Camille Villar ti adbokasiya na para iti nainkalintegan ken preventive a serbisyo ti salun-at iti babaen ti panagpila na ti gakat a gagem na a mangbuwangay ti ₱10-bilyong Cancer Medicine and Treatment Assistance Fund para kadagiti marigrigat a pasyente nga addaan ti kanser nga ipatungpal ti Philippine Health Insurance Corporation (PhilHealth).
Gagem ti gakat a mapagbalin a linteg ti maysa a national program a mangipaay ti libre nga agas kontra iti kanser iti babaen dagiti PhilHealth-accredited a pampubliko nga ospital iti kada probinsya, katulungan da ti Department of Health (DOH), Department of Social Welfare and Development (DSWD), ken ti Department of the Interior and Local Government (DILG).
Agtitinnulong dagitoy nga ahensya ti gobierno a mangestablisar kadagiti benepisyaryo tapno masigurado a ti tulong ket makadanun kadagiti pudno ket ad-adda nga agkasapulan.
Inpaganetget ti senadora a nagtalinaed a maysa kadagiti kangrunaan a pakatkatayan iti pagilian ket ti sakit a kanser ken agtultultuloy a mangipapaay ti nakaro a problema iti pinansyal kada marigrigat a pamilya a Pilipino.
