LAOAG CITY – Inpetteng manen ti Malacañang a maiyataday iti linteg ti pannakaikabil ni dati a Presidente Rodrigo Duterte idiay The Hague, Netherlands.
Inbatad ni Palace Press Officer ken Presidential Communications Usec. Claire Castro, sumursurot ti nagbalin nga addang ti gobierno iti linteg ken no ti maysa a kaso ket dengdenggen ti maysa nga international tribunal ket mabalin nga ipaima ti gobierno ti panagdengngeg ti proseso.
Kuna ti Palasyo, adda ti maipatpatungpal a residual obligation ti Pilipinas manipud idi panawen a miembro pay daytoy ti International Criminal Court (ICC).
Gapu iti daytoy, uray saanen a bigbigbigen ti gobierno ti agdama nga hurisdiksion ti korte, kunana a sakupen latta dagiti alegasion a napasamak idi miembro pay ti pagilian iti nasao a tribunal.
Rakurak daytoy ti Palasyo kalpasan a nangiparuk-at ni Duterte ti waiver a saan daytoy nga agatendar iti confirmation hearing ti International Criminal Court no sadinno a nakailanad pay a “kinidnap” laeng isuna ken nakaut ti pundo ti gobierno gapu iti panagusar ti private jet.
