LAOAG CITY – Maragsakan ni Ilocos Norte 2nd District Representative Angelo Marcos Barba nga adayon ti nagapwanan ti AMB Beach Volleyball.
Daytoy ket gapu ta pito a tawenen ti programa ti nasao a diputado.
Inbatad ni Barba a para kenkuana ket saan laeng a maysa a programa ti AMB Beach Volleybll no di ket dakkel pay a makatulong kadagiti atleta ti volleyball.
Inpakaammo na a maysa kadagiti volleyball athlete a maipannakkel na ket ni Charina Ramos, a nakipartisipar iti umuna a tawen ti AMB Beach volleyball, no sadinno nga iti agdama ket addan iti kolehiyon ken adon ti nagapwanan da.
Kunana nga adda pay dagiti dadduma nga atleta da a makiparpartisipar iti nasyonal.
Innayon na a gapu iti daytoy ket ad-adda pay a pinalawa da ti masakupan ti programa gapu ta immubing dagiti atleta, no sadinno nga adda ti agtawen ti 17 agpababa ken 15 agpababa.
Iti agdama ket manarimaan ti AMB Beach Volleyball iti ili ti Pasuquin.
