LAOAG CITY – Nangikeddeng ti Sandiganbayan 3rd Division ti 10-day bail hearing iti kaso a Malversation a sangsangoen da dati a Senador Ramon “Bong” Revilla Jr., Bulacan First District Official Brice Hernandez ken dadduma pay nga akusado.
Daytoy ket mainaig iti 92.8 million pesos a ghost flood control project idiay Pandi, Bulacan.
Segun iti nasao a korte, mangrugi ti nasao a panagdengngeg inton Abril 6 ken maiwayat iti bigat ken malem iti uneg ti 10 nga aldaw.
Mainaig iti daytoy, maiprisentar iti maisayangkat a panagdengngeg ti 20 a witness iti kaso.
Nupay kasta, inbatad ni Associate Justice Karl Miranda a ti maiwayat a bail hearing ket saan a mangikeddeng iti agbalin a kaipapanan daytoy.
Inpaganetgetda nga ibasarda dagiti imbestigasion kadagiti maisubmitir nga ebidensia iti korte.
