LAOAG CITY – Inlawlawag ni General Manager John Teodoro iti Ilocos Norte Water District a saan a mabalin nga usaren ti fire hydrants a pagapwan ti danum a pagdalus iti merkado publiko ken pagsibog.
Daytoy ket kalpasan a sinaludsod ti provincial firemarshall a ni Fire Superintendent Roxane Parado no apay nga adda kadagiti Local Government Units ti tulbek dagitoy, a no masapol da ket kasapulan paylaeng a makikoordinar da kadakuada a mangitunda ti pannaka-delay ti panagresponde da no adda ti mapasamak nga uram.
Segun kenni Teodoro, adda ti chlorine iti danum ken maysa daytoy kadagiti component tapnu mausar ti publiko.
Gapu iti daytoy, kuna ni Teodoro a saan a rumbeng a dagiti fire hydrants ti pagalaan iti panag-stock ti danom kadagiti fire truck gapu ta adda met ti sabali pay a mabalin a pagsakduan.
Inpalagip ni Teodoro a mausar laeng ti fire hydrants para iti aktuwal a fire fighting.
