LAOAG CITY – Nakiddaw iti gobierno a kissayan ti epekto ti krisis iti Middle East ti lokal nga industriya ti asukar iti babaen ti panangipaay kadagiti sugarcane farmers ken dagiti benepisyar ti agrarian reform ti abono ken dadduma pay a subsidiya.
Inbatad ti Confederation of Sugar Producers Association Inc. a masapol a saan a baybay-an ti Department of Agriculture ti sugar industry ken ipatungpal ti “purchase-and-park” sugar buying program nga inlungalong ti asosasyonda.
Inlawlawag ti asosasyon a ti dua nga umuna nga addang ket gagem na a matulungan dagiti mannalon idinto a ti programa a panaggatang ti asukar a ponpondoan ti gobierno ket nailungalong kas kangrunaan a pagalaan ti tulong para kadagiti prodyuser ti asukar nga agtultuloy nga agrigrigat manipod iti panagbaba ti presyo dagiti mill gate.
