LAOAG CITY – Manamnama a bumassit ti bilang dagiti turista nga agpasiar ditoy probinsia inton Semana Santa.
Segun ken ni Gov. Cecilia Araneta Marcos, daytoy ket kalpasan iti agtultuloy a panagngato ti presio dagiti produkto a petrolyo nangruna ket kaadoan kadagiti agturong ditoy probinsia ket babaen kadagiti bukudda a lugan.
Inbatadna a dakkel ti epekto iti benneg ti turismo ti kinangina ti presio dagiti produkto a petrolyo iti agdama gapu ta maapektaran dagiti turista wenno gangannaet nga agkalikagum a bumisita ditoy probinsia.
Kabayatanna, inlawlawag ni Vice Gov. Matthew Marcos Manotoc a posible nga adda ti i-hire-da a bus nga isu ti pagluganan dagiti turista a mapan kadagiti nagduduma a tourist destination ken ti Visita Iglesia.
