LAOAG CITY – Nagtalinaed a natibker ti buffer stock ti bagas ditoy Pilipinas iti baet ti epekto ti gubat iti Middle East iti world business.
Inbatad ni National Food Authority (NFA) Administrator Larry Lacson, nupay sigurado a maapektaran ti negosio ti bagas nangruna kadagiti pagilian nga agang-angkat kas ti Pilipinas, natibker ti inventory ti bagas iti pagilian tapno solbaren ti demand wenno konsumo.
Inladawanna ti stock nga iggem ti National Food Authority no sadinno nga umabot iti 2.6 million a sako ti milled rice ti iggem ti ahensia.
Naammoan nga umabot iti 600,000 bags ditoy ti nakareserba para kadagiti nangabak ti auction idinto a dua a milyon a sako met ti naiyalokar para iti publiko ken ti kasapulan ti gobierno.
