LAOAG CITY – Inpetteng ni Iran President Masoud Pezeshkian a panawenen ti pannakaileppas ti rinnupak idiay Middle East ken iti Estados Unidos.
Iti maysa a miting, inbatad ti Presidente a nasaysayaat ti pannakaileppas ti gubat bayat nga adda pay ti pigsa ken dayawda.
Segun kenkuana, bigbigbigen ti intero a lubong ti pannakangabakda ken inpettengna a ti Amerika ti immatake kadagiti pagadalan, ospital ken kadagiti pasdekda a panaglabsing kadagiti regulasion a saan a supsuportaran ti intero a lubong.
Dinepensaran pay ni Pezeshkian ti nagbalin a katulagan a memorandum of understanding karaman ti Amerika idi bulan ti Hunio a kalikagumna a leppasen ti gubat, ken inpettengna a saan daytoy a pakailasinan ti pannakaabak ti Tehran.
