LAOAG CITY – Mamati ni Manila 3rd District Rep. Joel Chua a dandanin a magun-od ti one-third vote dagiti kongresista tapno ma-impeach manen iti Kamara de Representantes ni Vice President Sara Duterte.
Inbatad ni Chua, daytoy ti mangipasimudaag ti panagbutos ti agrup amin a miembro ti House Committee on Justice a sufficient in form, substance ken grounds ti maikatlo ken maikapat nga impeachment complaints kontra iti Bise Presidente.
Rakurak daytoy ni Chua kagiddan iti naikeddeng a panangrugi inton Marso 25 ti impeachment hearings ti komite tapno maammoan no adda ti probable cause dagiti reklamo nga impeachment ken nasken nga iyuli iti Senate Impeachment Court.
Inpettengna a naiget a sinurot ti House Committee on Justice ti konstitusion ken dagiti maipatpatungpal a pagannurotan iti panangiggem ti impeachment proceedings ken saan daytoy nga iyal-alisto.
Inpalagipna nga isuda a kongresista ket sumursurot laeng iti trabahoda ken iti responsibilidad dagitoy nga ibilbilin kadakuada ti Konstitusion mainaig iti impeachment.
