LAOAG CITY – Mamulmulaan ti pagay ken tabako ti lote a ginatang ti lokal a gobierno iti ili ti San Nicolas iti Barangay 16 iti nasao nga ili.
Segun ken ni Mayor Edmar Vincent Bonoan iti ili ti San Nicolas, amin a mapastrek iti panagmula ti pagay ken tabako ket maikabil iti pundo iti lokal a gobierno iti nasao nga ili.
Inbatadna a ti capital amortization ket aggapu iti 20% development fund nga agbalor ti nakurang 10 a milyon a pisos iti kada tawen.
Kunana a ti general fund ket isu ti paggapgapoan ti interest daytoy nga umabot iti pito a milyon a pisos iti kada tawen.
Inlawlawagna nga adda dagiti sumagmamano a programa ken proyekto iti lokal a gobierno ti maap-apektaran gapu iti daytoy.
