LAOAG CITY – Inbatad ti Ministry of Justice ti Czech Republic nga awan pay ti naawat da nga opisial a kumpirmasion mainaig iti pannakaarestar ni dati nga Ako Bicol partylist Rep. Zaldy Co.
Segun ken ni Ministry Spokesperson Marketa Androva, manarimaan paylaeng ti pannakikoordinar da kadagiti maseknan.
Daytoy ket kalpasan ti panangiwaragawag ni Presidente Ferdinand Marcos Jr. a nakemmeg ni Co ken agdama a nakabalud idiay Prague.
Sumangsango ti dati a kongresista kadagiti kaso a plunder ken malversation gapu iti multi-billion a pisos a flood control scandal iti pagilian.
