LAOAG CITY – Inpakaammo ni Mr. Rene Pilar Dela Rosa, Chief ti Land Transportation Office ditoy siudad ti Laoag a maysa kadagiti requirement ti aplikante a mangala ti student permit ket ti Theoretical Driving Course.
Segun kenkuana, kalpasan a dimmalan ti maysa nga aplikante iti Theoretical Driving Course ken ti panangipasa ti birth certificate ken medical certificate daytoy ket maarisit iti opisinada sakbay a naan-anay a maisyuan ti student permit.
Inbatadna a sumaruno a maisayangkat ti Practical Driving Course no sadinno a ditoy a matingiting ti aplikante no ania ti kalikagumna nga imaneho a lugan.
Inlawlawagna nga awan ti “shortcut” a mapasamak gapu ta nasken a dumalan amin dagiti aplikante iti umno a proseso agingga a makaalada ti driver’s license dagitoy.
Kabayatanna, inballaag ni Dela Rosa kadagiti agus-usar ti peke a driver’s license nga adda ti maipataw a maiyannatop a pannusa kadagiti mapaneknekan nga aglabsing.
