LAOAG CITY – Agtultuloy ti panagbisita ken panagmonitor dagiti kameng ti Business Permit and Licensing Office kadagiti paggasolinaan ken paglakoan ti Liqeufied Petrolium Gas (LPG) ditoy ciudad ti Laoag.
Daytoy ti inpakaammo ni Atty. Charito Malicad, ti Officer-in Charge iti Business Permit and Licensing Office ditoy ciudad.
Segun ken ni Malicad, nabayagen nga ar-aramiden da daytoy nga addang no sadinno a linawas ti panagsursur da kadagiti nagduduma a paggasolinaan.
Inbatad na a babaen iti ar-aramiden da nga addang ket masigurado nga awan dagiti ag-hoarding wenno ag-overprice kadagiti nasao a produkto.
Innayon na nga amin dagiti ar-aramiden da ket iyar-aramidan da ti report ken isumitir da iti Department of the Interior and Local Government (DILG).
