LAOAG CITY – Temporario nga inpasardeng ti Energy Regulatory Commission (ERC) ti panagsingir ti Green Energy Auction Allowance (GEA-All) para iti billing periods ti Mayo ken Hunio 2026.
Gagem daytoy a makissayan ti nayon a bayadan ti consumers ti koriente iti baet ti agtultuloy a panagngato ti presio dagiti magatgatang iti pagilian.
Basar iti Energy Regulatory Commission, saan pay laeng a kolektaren ti GEA-All rate a ₱0.0371 iti kada kilowatt-hour para iti amin nga electricity consumers iti pagilian.
Sakup ti pannakasuspenso ti Distribution Utilities (DUs), Retail Electricity Suppliers (RES) ken ti National Grid Corporation of the Philippines (NGCP).
