LAOAG CITY – Natay ti maysa a balud iti Ilocos Norte Police Provincial Jail (INPJ) gapu iti sakit ti puso.
Ti balud ket agtawen ti 51 ken tallo a tawenen nakabalud ken sumangsango ti kaso a frustrated murder.
Inlawlawag ni Jail Warden Edietor Guiang iti Ilocos Norte Provincial Jail (INPJ), ti nasao a balud ket naitaray idiay ospital ngem ti kabigatanna ket pimmusayen.
Kunana a manipud naibalud daytoy ket addaanen ti sakit ti puso ken saan nga gapu iti kalgaw ti nakatayanna gapu ta adda ti pagbaludan a para kadagiti adda sakitna no sadinno a well-ventilated daytoy.
Innayonna nga adda ti programada a summer league no sadinno nga agay-ayam dagiti PDL iti basketball ken volleyball tapno rumuarda amin pagbaludan tapno saanda a mapudotan.
Kabayatanna, kunana a daytoy ket double purpose no sadinno a makalang-ap ti presko nga angin dagiti Persons with Deprived Liberty (PDL) ken makatipid pay ti kuryente ti Ilocos Norte Police Provincial Jail gapu ta maikkat amin a nakasaksak ken maiddep amin a silaw.
