LAOAG CITY – Agtultuloy ti rinnupak iti Southern Lebanon uray inawaten ti Israel ken Hezbollah ti plano a ceasefire nga indiaya ti Estados Unidos.
Segun ken ni US President Donald Trump, nagtulag ti dua a partido nga isardeng ti rinnupak kalpasan a nakasarita na dagiti mangibagi kadagitoy.
Kuna na nga inawat ti Hezbollah ti katulagan nga isardeng ti panagataken iti Israel kasukat ti saan a panangraot ti Israel iti Beirut.
Kinumpirmaran met ni Israeli Prime Minister Benjamin Netanyahu ti katulagan ngem nagballaag nga agtultuloy ti panagatake no saan nga isardeng ti Hezbollah ti panangpuntirya da kadagiti ciudad ken sibilyan ti Israel.
Iti baet daytoy, inbatad ti Hezbollah a nangisayangkat da kadagiti panagatake usar ti drone ken artillery kontra kadagiti soldado ti Israel idinto nga inreport met ti Israel a nasaed ti dua a projectile da manipod Lebanon.
