LAOAG CITY – Ngumato ti bayadan iti kuryente dagiti customer ti Manila Electric Co. (Meralco) ita a bulan ti Hunio kalpasan a nangipatungpal ti kompania ti P0.1488 iti kada kilowatt-hour (kWh) a nayon a singir gapu iti panagngato ti presio iti wholesale spot market gapu iti tight grid conditions.
Basar iti Meralco, ngumato iti P14.4833 iti kada kWh ti overall rate para iti gagangay nga household ita a bulan manipud iti P14.3345 iti kada kWh idi Mayo.
Katukad daytoy ti nayon nga adda iti P30 iti binulan a bill ti household nga agkonkonsumo ti 200 kWh.
Kangrunaan a rason ti panagngato ti generation charge a ngimmato ti P0.2762 iti kada kWh iti P9.0704 manipud iti P8.7942 iti kada kWh idi Mayo.
