LAOAG CITY – Inadmitir ni Liza Soberano a saanen unay nga aktibo iti social media a saan kas idi adda pay laeng isuna ditoy Pilipinas.
Inbatad daytoy ti aktres iti guesting-na iti vlog ti aktor a ni Edward Barber a “Painfully Human Podcast.”
Kuna ni Liza nga ad-adda a nag-improve ti mental health-na sipud idi nag-lie low isuna iti social media.
Inadmitirna pay a gapu iti panagbalinna a natagari ken opinionated iti social media idi ket kanayon daytoy a maba-bash.
Iti agdama, ad-adda a naulimek ti biagna maidasig idi gapu ta uray dagiti emojis-na ket ik-ikkan ti meaning dagiti bashers.
