LAOAG CITY – Naiyuswat kadagiti pagadalan ditoy siudad ti Laoag ti simultaneous exercises a kas panagsabagan no adda ti pangta ti seguridad.
Inpakaammo ni Dr. Melvin Manuel ti City Disaster Risk Reduction Management Office, a daytoy ket inatendaran dagiti nagduduma a pagopisinaan manipud Department of Public Safety (DPS), City Health Office (CHO), Philippine National Police (PNP) Laoag, Ilocos Norte Police Provincial (INPPO), Scene of the Crime Operatives (SOCO), Bureau of Fire Protection (BFP), ken Barangay Officials.
Kunana a daytoy ket gagem na ti panagsagsagana no adda ti mapasamak a pangta kadagiti pagadalan kas iti shooting incident ken bomb threat.
Innayonna a maiyuswat ti pay ti drill kadagiti umay nga aldaw iti Ilocos Norte National High School (INNHS) ken Ilocos Norte College of Arts and Trades (INCAT) a dua kadagiti kadadakkelan a pagadalan ditoy siudad tapno ammo dagiti estudiante ti ubraenda no kasta nga adda ti madi a mapaspasamak.
