LAOAG CITY – Inbatad ni Senate Secretary Renato Bantug nga nagkiddaw ti Office of the Vice President (OVP) iti panangitugotda ti bukodda a ramit a pakairamanan ti refrigerator ken coffee maker iti holding area para iti depensa.
Kuna ni Bantug a nagsaludsod ti Office of the Vice President (OVP) iti babaen ti chief of staff a ni Undersecretary Zuleika Lopez no mapalubosanda a maaddaan ti bukod a caterer.
Inbatad ni Bantug a dagiti kakastoy a kiddaw ket pakairamanan iti administrative ken housekeeping matters nga inkiddaw ni Lopez iti panagbisitana iti Senado.
Ti umuna a pakasaritaan a nasaludsod ket maipaggep kadagiti tugtugaw a nailatang iti defense team iti Senate plenary hall no sadinno a maiwaywayat ti panangusig. Addaan met 45 a tugtugaw ti nakailatang para iti depensa.
Kabayatanna, ti prosekusion ket adaan met ti bukod a caterer ken service providers.
