LAOAG CITY – Inrekomendar ti National Meat Inspection Service a saan a mabalin nga usaren ti naipasdek nga slaughter house iti ili ti San Nicolas.
Masayangan ni Mayor Edmar Vincent Bonoan, Mayor ti ili ti San Nicolas iti naipasdek nga slaughter house a pinondoan ti lokal a gobierno iso nga inkonsultarna daytoy iti National Meat Inspection Servive.
Gapu iti daytoy, personal a binisita ti Regional Director ti National Meat Inspector Service ti nadakamat nga slaughter house para iti inisial nga evaluation no sadinno ket naamoanda a saan a nasurot dagiti standards tapno makapag-operateda.
Kabayatanna, inbatad ni Mayor Bonoan a kitaenda no ana dagiti nasken a maaramidanda tapno saan a masayang ti pondo a nausar iti pannakaipatakder ti nadakamat a pasdek.
Naamoan a in-turn over ti lokal a gobierno ti nasao nga slaughter house iti maseknan a aepartamento idi tawen 2024.
