LAOAG CITY – Inyakaren ti Sandiganbayan Third Division ti kustodia ken ni Senador Rodante Marcoleta iti Quezon City Jail Male Dormitory iti Payatas.
Daytoy ket kalpasan nga inbatad ti Philippine General Hospital iti anti-graft court a saanen a masapol ni Marcoleta ti hospitalization.
Maipalagip nga idi laeng napalabas a lawas, naitaray ni Marcoleta iti ospital kalpasan a nakapasar daytoy ti hypertension ken mild pneumonia, ken kadetoy laeng, indeklarardan a kayanan ti sumango iti korte.
Naarestar ni Marcoleta idi laeng kallabes kalpasan a simmuko daytoy iti maipagarup a kasona a plunder mainaig iti saanna a panangdeklarar ti P75 million a campaign donations nga inusarna iti kampanyana.
Kabayatanna, naituding ti pretrial iti kasona inton Agosto 10.
