LAOAG CITY –Naarestar ti maysa a mannalon gapu iti kaso a concubinage wenno pannakikamalala iti ili ti Sarrat.
Ti suspek ket agtawen 50, naasawaan ken residente ti nasao met laeng nga ili.
Basar ti Municipal Police Station (MPS) Sarrat, ti suspek ket naaresta iti bileg ti Warrant of Arrest (WOA) nga inparuk-at ti korte gapu iti panaglabsing ti Article 334 ti Revised Penal Code wenno concubinage.
Mainaig iti daytoy, narekomendaran ti korte ti piyansa a PhP30,000.00 para iti temporario a pannakawaya-wayana.
Kabayatanna, ti Other Wanted Person (OWP) ket adda iti kustodiar ti Municipal Police Station (MPS) Sarrat para iti kasapulan a dokumentasion ken disposision.
