LAOAG CITY – Idasar ti Senate Office of the Sergeant-at-Arms (OSAA) ita nga aldaw, Hulio 22 ti pannaka-subpoena dagiti nagduduma nga ahensia ti gobierno ken bangko para iti impeachment trial ni Vice President Sara Duterte.
Daytoy ket mainaig iti kiddaw ti impeachment court iti kaso ni VP Sara nga ipa-subpoena dagiti bank ken tax records ti maikadua a president ken ti asawa a ni Atty. Manases Carpio.
Segun ken ni Atty. Reginald Tongol, pannakangiwat ti impeachment court, nga idasar ti Office of the Sergeant-at-Arms (OSAA) dagiti subpoena iti Bureau of Internal Revenue (BIR), Anti-Money Laundering Council (AMLC), ken sumagmamano pay a bangko.
Ti nasao a subpoena ket kiddaw ti prosekusion a paneknekan ti saan a mailawlawag a kinabaknang ti maikadua a president a saan a naideklarar iti Statement of Assets, Liabilities, and Net Worth (SALN).
