LAOAG CITY – Nakapasar ti panaglayos dagiti sumagmamano a Barangay iti ili ti San Nicolas bayat ti panagbayakabak ti bagyo Kiyapo iti probinsia.
Basar iti report ket bayat ti panagpasiar dagiti sumagmamano nga opisial ti barangay ket nakitada a nangato ti lebel ti danum.
Kabayatanna basar iti Municipal Disaster Risk reduction and Management Office ket binalaagandan dagiti opisial ti nagduduma a barangay ti ili ti San Nicolas nga ipangatodan dagiti lugandan gapu iti posibilidadna ti panaglayos iti nagduduma a paset ti ili.
Segun kadakuada, adda dagiti residente a napan nag park kadagiti fast food chain ken kadagiti establisiemento tapno maliklikan ti pannakaibabad dagiti luganda iti layus.
Basar iti report, addan dagiti sumagmamano a nalayus a pagtaenganen gapu iti panagngato ti lebel ti danum iti lugar.
