LAOAG CITY – Natay ti dua a crew members kalpasan a nagdinnungpar iti tangatang ti dua nga helicopter kabayatan ti panagrespondeda iti wildfires iti Greece.
Natay ti maysa a Danish pilot ken maysa a Greek fire service liaison officer kabayatan a nagtalinaed a sibibiag ti maysa a British pilot ken maysa a Greek co-ordinator iti maikadua a helicopter.
Basar iti Greek Fire Service, ti dua a lease Bell helicopters ket nagdinnungpar iti tangatang bayat ti pannakaisayangkat ti panagresponde ti wildfires iti Attica-Boeotia border.
Mainaig iti daytoy, maysa kadagiti Bell helicopter a naseknan ket bimtak ken nag-crash kalpasan natamaanna ti propellers ti maysa a pay helicopter no sadinno a nag-emergency landing daytoy.
Basar iti report a na-rescue dagiti crew members ti immuna nga aircraft no sadinno nakapasarda iti minor injuries kabayatan a ti maikadua a na-rescue a crew ket awan puotda ken naitaray ti ospital ngem natay dagitoy.
