LAOAG CITY – Impakammo ni Dr. Rodrigo Catcatan, mangidadaulo ti City Health Office (CHO) ditoy siudad ti Laoag a ngimmato ti nairekord a kaso ti dengue ditoy siudad.
Segun kenkuana, sakbay pay iti bulan ti Hunio ket addan dagiti sumagmamano a kaso ti dengue a nairekord iti opisinada.
Kunana nga adda dagiti barangay ditoy siudad nga iso ti naggapuan dagiti ado a kaso ti dengue .
Nupay kasta, inbatadna nga adda dagiti panagfumigate-da kadagiti tunggal barangay nga adda nairekordna a kaso tapno malappedan ti panagngato ti bilang ti kaso ti dengue.
Mainaig iti daytoy, inpetteng ni Dr. Catcatan ti importansia ti panagdaldalus iti aglawlaw wenno ti pannakaiyaplikar ti makunkuna a 4Ts wenno ti Taob , Taktak , Tuyo ken Takip kontra iti dengue.
Innnayona a babaen kadaytoy ket maliklikan ti panagado ti lamok nga iso ti makaigapu iti sakit a dengue .
