LAOAG CITY – Nangisayangkat ti Department of Finance ti nationwide stakeholder consultation para mailunglungalong a linteg a Promoting Growth, Revenue, and Equity (ProGRESS) bill, a mangdengngeg kadagiti komento ken rekomendasion ti publiko para iti panangbukel ti tax reforms kadagiti indibidual ken babassit a negosio.
Mainag iti daytoy, ti nabukel a ProGRESS bill ket kalikagumna ti balanse a tax relief kadagiti Pilipino nga addaan ti napigsa a mapaspastrekan a mangpondo kadagiti serbisio iti publiko ken long-term development.
Ti nasao a bill ket mangipangato ti annual personal Income tax exemption threshold manipud P250,000 agingga P350,000, no sadinno ket makatulong daytoy kadagiti minilyon a taxpayer a maka-inot pakairamanan dagiti individual workers ti agingga P17,500 depende iti tax bracket-da.
Malaksid iti daytoy, matulongan pay ti nasao a bill dagiti micro and small enterprises manipud iti Minimum Corporate Income Tax tapno makissayan ti financial burdens-da.
Kabayatanna, mainaig iti nationwide stakeholder consultation, impasigurado ti Department of Finance a dagiti nangngeganda a komento manipud kadagiti nakipagpaset iti consultation ket mairekord ken mausar para iti pannakaipapintas ti nasao a ProGRESS bill.
