LAOAG CITY – Naiyakar iti puesto dagiti peddler vendors nga adda iti sangoanan iti Mariano Marcos State University – College of Teacher Education wenno MMSU-CTE ditoy siudad ti Laoag gapu iti agdama a construction ti kanal iti asideg ti lugar a paglaklakoanda.
Segun ken ni Atty. Charito Malicad, mangidadaulo ti Business Permit and Licensing Office ditoy siudad, ti lugar ket sanikua ti Provincial Government of Ilocos Norte no sadinno ti probinsia a gobierno met laeng ti nangpalubos kadagiti peddlers nga aglako iti nasao a lugar.
Gapu iti panagaramid iti kanal, saan a makapuesto dagiti vendors iti dati a pagyananda.
Kabayatanna, naiyakarda iti sabali a lugar kas ti asideg ti Rizal Park wenno Centennial Arena para iti agtultuloy a panaglakoda.
Immuna iti daytoy, kalikagum iti Business Permit and Licensing Office a maurnos dagiti peddles ken ambulant vendors kadagiti umno a lugar a paglakoanda tapno saan a mangitunda iti trapiko ken dadduma pay.
