LAOAG CITY – Umabot iti 90 nga umili ditoy siudad ti Laoag ti nakaawat ti financial assistance-da manipud iti Laoag City Government babaen ti programa nga Assistance to Individuals in Crisis Situation (AICS).
Segun ken ni Ms. Mary Joan Pasugui, ti naipaay ket dagiti medical, food, transportation ken burial assistance kadagiti umili para kadagiti pagkasapulanda.
Kunana nga makaawat ti benipisiraio ti medical assistance iti P5,000 idinto a P8,000 met kadagiti benepisario ti burial assistance.
Mainaig iti daytoy kunana a malaksid ti programa nga Assistance to Individuals in Crisis Situation AICS ado pay dagiti nagduduma a tulong nga ipapaay ti gobierno ditoy siudad pakairamananen dagiti scholarship program.
Gapu iti daytoy, ginutigotna dagiti umili ti pannakikoordinar dagiti residente kadagiti nagduduma a pag-opisinaan ti gobierno ditoy siudad para iti alalisto a pannakaipaay ti serbisio kadakuada ken iti publiko.
