LAOAG CITY – Inkeddeng ti Senado ti schedule ti impeachment trial ni Vice President Sara Duterte manipud iti bulan ti Setiembre aginnga ti Nobiembre.
Mainaig iti daytoy, inanunsio ni presiding officer, Senator-Judge Francis “Chiz” Escudero ti trial schedule para iti sumaruno a bulan.
Inton Setiembre 8, 9, 14-16, 21-23 ken 28-30 ket naka-schedule ti alas-10 ti bigat agingga alas-2:30 ti malem kabayatan nga alas-3 ti malem ti plenary.
Whole-day trial met inton Oct. 1, 2, 5-9 ken 12-15.
Kabayatanna, awan trial a maisayangkat inton Oktobre 16 agingga Nobiembre 8 para iti 2027 budget hearings.
Malaksid iti daytoy, awan pay trial inton Nobiembre 9 agingga 18 para iti budget debates iti plenary.
Naamoan a kalpasan ti depensaran ti Senado ti version-na iti 2027 budget ket agsubli iti “regular programming” ti impeachment trial inton Nobiembre 19, 20, wenno 24.
