LAOAG CITY – Umabot iti P1.8 million ti pondo ti maararamid a love lock iti Brgy. Gabu ditoy siudad ti Laoag.
Segun ken ni Mayor James Bryan Alcid, 50 a metro ti kaatiddog ti maararamid a love lock bridge iti nasao a barangay.
Inlawlawagna a section by section ti pannakaaramidna dytoy, no sadinno ket manipud iti rangtay ket makita pay ti kinapintas ti Padsan river.
Kinuna ti Mayor a no malpas a maramid daytoy ket napintas a pagpasiaran dagiti umili kangrunaanna dagiti turista ken adda kainnayatna iti biag.
Kabayatanna, inbatad ni Mayor Alcid nga agtultuloy ti panangkitada no ania pay dagiti mabalin nga aramidenda tapno makatulong para iti adadda a makadur-as ti ekonomiya, pakairamanan ti panagadu pay dagiti turista ditoy siudad.
