LAOAG CITY –Ginutigot ni Interior Secretary Jonvic Remulla dagiti nagannak a kitaen dagiti senyales ti depresyon kadagiti annakda ken agkiddaw ti kasapulan a mental health care.
Daytoy ket kageddan ti nakaro a pammaltog iti pagadalan iti South Cotabato a pakairamanan ti agtawen 14 nga estudiante.
Inallukoyna dagiti nagannak nga i-monitor ti cellphone, social media, ken panagusar ti internet dagiti annakda kageddan ti panagimbestigar met dagiti otoridad iti online activities ken personal notes ti shooter.
Inbatad ni Remulla a nangibati ti notes ti barito sakbay ti pammaltog.
Naduktalan pay dagiti imbestigador ti ebidensya ti nakaro a social media ken internet activity a pakaiaramanan ti bayolente a contents.
Innayon ni Remulla nga adda ti senyales a nakitada idi pay laeng Abril ken pinadas da nga urnosen daytoy.
