LAOAG CITY – Nagun-od ti maysa a gamer a lola manipod iti Scotland ti Guinness World Record kas “oldest female Fortnite streamer on Twitch” iti tawen na a 78.
Ni Cath Bowie, ket siyam a tawenen a naka-livestreaming iti gaming sessions na iti website kas grumpygran48.
Kuna na a naintriga idi nakita na ti apoko na a lalaki nga agay-ayam ti Fortnite idi 2017 isut gapuna a pinadas na ket nagustwan na agingga nga intultuloy nan daytoy agpapan ita.
Inbatad na a pinadas na met ti dadduma nga ay-ayam ngem ad-adda a nagustwan na ti Fortnite gapu ta sabsabali ti ipapaay na a ragsak kenkuana.
Nai-feature ni Bowie, agtawen ti 78 idi Setyembre 1 iti Guinness World Records Gamer’s Edition 2027 book.
