LAOAG CITY – Binabalw ni Senador Joel Villanueva ti dakkel a kissay iti pondo para iti libre a tuition dagiti estudiante iti state universities and colleges (SUCs), kagiddan ti dandanni a pannakaipatungpal ti linteg nga aramiden a prioriday ti panangtulong kadagiti kalak-amanan nga estudiante.
Iti panagdengngeg iti gakat a budget ti Commission on Higher Education (CHED) ken dagiti state univerisites and colleges (SUCs), inbatad ni Villanueva a bimmaba ti P9.757 billion a pondo para iti Universal Access to Quality Tertiary Education (UAQTE), manipud P37.547 billion ita a tawen a nagbalin a P27.790 billion iti gakat a 2027 budget.
Mainaig iti daytoy, dakdakkel ti nagbalin a pakabuklan a kissay iti pondo ti Commission on Higher Education (CHED). Manipud iti P48.369 billion ita 2026, nagbalin a P35.453 billion laeng ti insingasing nga alokasion para iti ahensia iti 2027 no sadinno P12.916 billion ti nagbabaanna.
Segun iti Senador a kasapulan a siguradoen nga umdas ti pondo para iti pannakaipatungpal ti Republic Act No, 12325 a mang-amyendar iti Universal Access to Quality Tertiary Education Act a gagemna ti ad-adda a maipaay dagity subsidy kadagiti estudiante nga ad-adda nga agkasapulan.
