LAOAG CITY – Impasigurado ni Presidente Ferdinand Marcos Jr., nga agtultuloy ti pannakailungalong ti nasaysayaat a career path para kadagiti mangisursuro iti pampubliko a pagadalan, ken kunana nga awan ti mangisursuro ti agretiro kas Teacher I.
Daytoy ket kalpasan ti panagbitlana kadagiti 4,125 a na-promote ken na-hire kas personnel ti Department of Education (DepEd) Region II kas paset ti panangselebrar ti National Teachers’ Month.
Segun kenkuana, ad-adda a palawaen ti gobierno ti oportundad para iti career advancement iti babaen ti Expanded Career Progression (ECP) System.
Iti agdama adda ti sumurok 82,000 a mangisursuro ken school heads iti buo a pagilian ti na-promote iti babaen ti Expanded Career Progression (ECP) System.
Nagyaman pay daytoy kadagiti mangisursuro iti napateg a papelda iti panagpasayaat ti performance ti pagilian iti Reading, Science at Mathematics sa 2025 Programme for International Student Assessment (PISA), no maikumparar idi 2022.
