LAOAG CITY – Saanen a mangipila ti kaso ti drayber ti Toyota Fortuner kalpasan a nadungpar daytoy ti maysa a Honda Wave a motorsiklo iti paset ti airport road ditoy siudad ti Laoag.
Segun ken ni Police Staff Sergeant Alex Rosal iti Traffic Division iti siudad nga awan pay iti opisial a panagtataripnong dagiti maseknan ti nasao a vehicular accident gapu ta ti drayber ti Honda Wave ket nakaro ti sinagabana a sugat, no sadinno a kasapulanna ti maoperar.
Maipalagip nga idi Oktobre 4 iti oras alas-7:15 ti bigat ket adda ti napasamak nga aksidente iti National Highway iti paset ti Brgy. 48-A Cabungaan ditoy siudad ti Laoag a pakairamanan ti maysa a Toyota Fortuner ken Honda Wave a motorsiklo.
Basar iti immunan imbestigasion, agturong ti Toyota Fortuner iti daya a direksion idinto a ti Honda Wave ket daldalyasaten na iti opposite direction a ditoy a kellaat a nagturong daytoy iti linya ti Toyota Fortuner a nangitunda iti panagdinnungparda.
Nagsagaba ti sumagmamano nga injury ti drayber ti Honda Wave ken insigida met a naitaray iti Mariano Marcos Memorial Hospital and Medical Center iti siudad ti Batac para iti insigida a pannaka tamingna.
Kabayatanna saan met a nadangran ti drayber ti Toyota Fortuner.
