LAOAG CITY – Nag-sorry ni Lead Prosecutor ken Batangas Rep. Gerville Luistro ken ni Senate President Sherwin Gatchalian.
Ti panagdawat ti panagpadispensar ni Luistro ket kalpasan ti panangbabalaw ni Gatchalian iti nag-viral a “wacky” photo dagiti miembro ti House Prosecution Team iti uneg ti Session Hall ti Senado.
Inbatad ni Gatchalian a paim-imbestigarannan ti wacky photos gapu ta napateg ti session hall ken ti sibubukel a Senado no sadinno a maputputar dagiti napapateg a linteg isut gapuna a masapul a marespetar.
Inpetteng ni Luistro nga awan ti kalikagumda nga aramiden a pagaangawan ti Senado.
Inlawlawag ni Luistro iti nasao a ladawan ket saanda laeng a nalappedan ti kinaragsak ken gagarda gapu iti tallo a lawas a break ti impeachment trial nga agsubli inton Nobiembre 9.
Innayon pay ni Luistro a seryoso dagiti immuna a ladawanda ngem adda ti kellaat a nangibaga a wacky met ti sumaruno isut gapuna a kastoy ti nagbalin a resultana.
