Naidungpar iti maysa a senior citizen iti naka-parking nga harvester iti paset ti Barangay Lubigan iti ili ti Badoc.
Ti senior citizen ket maysa a babai, agtawen 69, balo, ken residente iti Sitio Caticran, Barangay Bato iti isu met laeng nga ili.
Segun ken ni P/Capt. Cristopher Pola, ti chief of police ti Badoc Municipal Police Station, ti biktima ket agturong ti daya a direksion idinto a nadungparna ti naka-parking a trailer carrier ti maysa nga harvester tractor a rason a nagbaliktad iti sidecar ti kurong-kurongna.
Gapu iti daytoy, nagsagaba ti sugat iti ulo ti biktima ken iti agdama ket addan daytoy iti natalged a kasasaad.
Naamoan a ti biktima ket nagitulod kadagiti collector iti maysa a lending company.
