LAOAG CITY – Dinepensaran ti Malacañang ti panangidutokna iti maysa a Gen Z ‘jet-setter’ kas komisyon ti urban poor kalpasan ti panangbabalaw ti publiko.
Idi laeng Lunes, nagsapata iti puesto ni Zofia Canlas kas baro a komisyoner ti Presidential Commision for the Urban Poor (PCUP), daytoy ket maysa a nangato a posision a mangprotehir iti isyu ti makan ken pabalay iti nasao a sektor.
Mainaig iti daytoy, nakaala daytoy ti sumagmamano a reaksion iti publiko, no sadinno a binabalaw dagiti netizen dagiti ladawan ni Canlas a mangipakpakita ti lifestyle-na a nakasuot kadagiti agkakangina a bado ken ti panagbakasionna idiay Europe ken United States.
Mainaig iti daytoy, kinunana ni Presidential Communications Undersecretary Claire Castro, a saanen a baro ni Canlas ti nasao a trabaho iso ti gapuna a dinutukanda daytoy iti puesto.
Kabayatanna, nagleppas iti De La Salle University Manila ti agtawen 27 a ni Canlas. timmaray pay daytoy kas nominee iti salinong ti Batang Quiapo party-list idi tawen 2025 midterm elections sakbay daytoy a nagbalin a chief-of-staff ti Presidential Commission for the Urban Poor idi Hulio 2025.
Basar iti website ti Office of the President, nagserbi kas assistant secretary iti Office of the Executive Secretary ti ama ni Zofia Canlas a ni Jose Marcell Canlas.
