Nagballaag dagiti local millers a ti nailungalong a pannakaipangato ti buwis dagiti sweetened beverage ket mabalin a makadadael iti industriya ti asukar ditoy pagilian.
Iti statement ti Philippine Sugar Millers Association, Inc. (PSMA), ginutigot na ti Department of Finance (DOF) a balbaliw nga ikonsiderar na ti nailungalong a pannakaipangato ti excise tax dagiti mainom nga addaan ti asukar.
Inpetteng ti grupo a dagiti local sugar producers ket agtultuloy a sumangsango iti panagngato dagiti gastos iti produksyon, nakapuy a demand ken panagbaba ti tonelada nga unas ken produksyon ti asukar gapu kadagiti epekto ti red-striped soft scale insect (RSSI) infestation ken ti El Niño.
Inbatad ti executive director ti Philippine Sugar Millers Association a ni Jesus Barrera, a ti nailungalong a pannakaipangato ti buwis iti sugar-sweetened beverages ket mangkontra iti pagannurutan ti gobyerno.
