Maipagarup a nagpupok ti maysa a lalaki iti 55 a tawen gapu iti ‘extreme fear of women’ wenno ti butengna ti babbai.
Ni Callixte Nzamwita, agtawen 72 ket nagpupok babaen ti panagipatakder na ti barikada iti uneg ti pagtaenganna tapno maliklikan ti aniaman a contact iti babbai.
Naamoan a nangrugi ti panagpupokna idi 16 ti tawenna daytoy. Ditoy inaramidna amin kas ti panagturog, panagluto, panagisbo iti bukodna nga espasio.
Segun kadagiti karrubana, pinadasda a tulungan ni Nzamwita ngem saanna kayat daytoy nga umasideg ken no man ipaayanda ti banag ti lalaki ket ipurwakda lattan iti pagtaenganna.
Ti butengna ti babbai ket maaw-awagan a gynophobia ket saan nga opisial a nabigbig kas ‘genuine mental disorder ‘ ngem daytoy clinically classified kas maysa a partikular a phobia.
