Binalakadan ni Engr. Shiela Opelac, mangidadaulo iti City Agriculture Office ditoy siudad ti Laoag dagiti mangngalap a kitaen ti pagsayaatan dagiti pupok da nga ikikkan iti baet ti nabara a panawen ti gubuay ti El Niño.
Segun kenkuana no mayat nga ilako dagiti pupok da nga ikan ket ilako dan tapno maliklikan iti pannakatay dagitoy gapu iti nabara a panawen.
Inbatad ni Opelac, a kadaytoy maudi a lawas ti tawen ket manamanama t pannakarikna ti panagbara ti tiempo.
Kunana a no bara unay ti pawen ket saan a malilikan ti pannakatay dagiti ikan isut gapuna nga alalukuyenna dagiti mangngalap nga i-monitor dagiti pupok da nga ikan tapno saan a matay ken masayang dagitoy.
Kabayatanna, kuna ni Engr. Opelac nga iti agdama ket awan met pay ti nai-report iti opisina da maipaggep ti fish kill.
