LAOAG CITY – Inpasigurado ti gobierno ti panagtultuloy dagiti programa kontra-malnutrision ditoy pagilian iti baet ti pangta ti El Niño iti suplay ti makan.
Basar iti Council for the Welfare of Children (CWC), masapol nga insigida a masolusionan daytoy nga isyu tapno saan a maapektaran ti salun-at ken panagdakkel dagiti ubbing.
Kas paset ti kampanya, tutukan ti gobierno ti panangipaay ti naan-anay ken nasustansia a makan para kadagiti ubbing.
Gapu iti daytoy, manamnama dagiti kanayunan a maestablisar a Child Development Center para iti Supplementary Feeding Program.
Kabayatanna, inpatungpal pay ti Department of Social Welfare and Development ti First 1,000 Days Cash Grant iti salinong ti 4Ps tapno matulongan iti nutrision ken check-up dagiti masikog ken dagiti ubbing nga agtawen ti 2 agpababa.
